Ab ke yuN dil ko sazaa dii hamne
us kii har baat bhulaa dii hamne
ek, ek phuul bahut yaad aaya
shaaKh-e-gul jab vo jalaa dii hamne
aaj tak jis pe vo shermaate haiN
baat vo kab kii bhulaa dii hamne
shah’r-e-jahaaN raaKh se aabaad huaa
aag jab dil kii bujhaa dii hamne
aaj phir yaad bahut aaya vo
aaj phir us ko du’aa dii hamne
ko’ii to baat hai us meN “Faiz”
har Khushii jis pe luTaa dii hamne
No comments:
Post a Comment