ورلڈکپ2015ء،سنگاکارا مسلسل 4سنچریاں بنانے والے پہلے بلے باز بن گئے

ہوبارٹ(مانیٹرنگ ڈیسک)سری لنکا کے بلے باز سنگاکار نے ون ڈے انٹرنیشنل اور ورلڈکپ میں مسلسل چار سنچریاں بنانے والے پہلے بیسٹمین بن گئے ہیں۔ تفصیلات کے مطابق ورلڈکپ کے ہوبارٹ میں ہونے والے سری لنکا اور سکاٹ لینڈ کے درمیان ہونے والے پول میچ میں سری لنکا کے سابق کپتان کمار سنگاکارا نے ورلڈکپ کی اپنی چوتھی سنچری بنا کر دنیائے کرکٹ میں پہلے بلے باز بن گئے ہیں جنہوں نے ون ڈے اور ورلڈکپ میں مسلسل 4سنچریوں کا ریکارڈ اپے نام کرنے والے پہلے بیسٹمین بن گئے ہیں واضح رہے کہ اس سے پہلے سنگاکار نے بنگلہ دیش کے خلاف 105،انگلینڈ کے خلاف 117 اور آسٹریلیا کے خلاف انہوں نے 104رنز کی اننگز کھیلی۔

کرکٹ ورلڈ کپ2015کا پہلا دن۔۔۔۔پہلے سنچری، پھر ہیٹ ٹرک

میلبورن: ورلڈ کپ 2015 کا آغاز ہی سنسنی خیز انداز میں ہوا ہے اور دوسرے ہی میچ میں سنچری اسکور ہونے کے ساتھ ساتھ ہیٹ ٹرک بھی ہو گئی۔

میلبورن میں کھیلے جا رہے میچ میں آسٹریلیا نے انگلینڈ کی دعوت پر بیٹنگ کی تو ایرون فنچ نے شاندار بلے بازی کا مظاہرہ کرتے ہوئے ایونٹ میں اپنی ٹیم کے افتتاحی میچ میں ہی سنچری اسکور کر دی۔

فنچ نے 12 چوکوں اور تین چھکوں کی مدد سے 135 رنز کی خوبصورت اننگز تراشی، یہ ورلڈ کپ میں کسی بھی اسٹریلین بلے باز کی انگلینڈ کےخلاف پہلی سنچری ہے۔

آسٹریلیا نے ان کی سنچری کی بدولت 342 رنز بنائے لیکن اس اننگ کی خوبی صرف فنچ کی سنچری نہیں بلکہ انگلش باؤلر اسٹیون فن نے وہ کارنامہ دکھا دیا جو کسی بھی باؤلر کا خواب ہوتا ہے۔

فن نے ورلڈ کپ کے دوسرے ہی میچ میں آسٹریلیا جیسی مضبوط ٹیم کے خلاف ہیٹ اسکور کی۔

انہوں نے اننگ کے 50ویں اور آخری اوور کی آخری تین گیندوں پر بریڈ ہیڈن، گلین میکس ویل اور پھر مچل جانسن کی وکٹیں حاصل کر کے ورلڈ کپ میں ہیٹ ٹرک کرنے کا اعزاز حاصل کیا۔

فن نے ہیٹ ٹرک سمیت میچ میں پانچ وکٹیں حاصل کیں لیکن ساتھ ساتھ دس اوورز کے کوٹے میں 71 رنز کی پٹائی بھی برداشت کی۔